Tuesday, February 12, 2008

صباحو فتي

من كام يوم, كنت راجعة من الشغل في التاكسي و طبعا الدنيا كانت زحمة جدا كالعادة .المهم واحد في الشارع تجاهل تماما اني راكبة التاكسي و شاورله و ركب. مفيش دقيقة والراكب الجديد "اكتشف" ان الدنيا زحمة و ان احنا تقريبا لسه واقفين في نفس المكان اللي ركب منه و راح قال للسواق:"الدنيا لو فضلت زحمة كدة, أنا هانزل و اكمل مشي". فضل يطأطأ و يتأفف كأنه مش من مصر. و راح قال تاني "احنا امفروض نعمل زي في أمريكا". السواق قاله "أفندم؟". الراجل تاني قال "لازم نعمل زي أمريكا معملت".

السواق راح موطي صوت الكاسيت عشان حس ان الراجل هيقول حاجة مهمة. استطرد الرجل قائلا:"عملوا ايه في أمريكا؟ هما كان عندهم ولاية زحمة زي عندنا كده بالظبط, الولاية دي تبقى ولاية نيويورك(خدت بالك من ولاية دي؟).راحوا حطوا فوق كل شارع كوبري.. يعني يبقى الشارع ماشي كده والكوبري ماشي فوقيه بالظبط. عشان كدة سموا الولاية ولاية نيو -يورك..نيو يعني جديدة و يورك زي ايه زي مصر الجديدة كدة.عشان بقى عندهم مدينة جديدة بس من فوق.مش احنا عاملين كوبري أكتوبر و فرحانين بيه!! لااا هما خلاص حلوا مشكلة الزحمة دي من زمان.. لازم نعمل زيهم يبقى فوق كل شارع كوبري, ده كده يدوبك يكفي الناس دى كلها."
طبعا أنا كنت ماسكة نفسي من الضحك بالعافية!بس غالبا كنت فاتحة بقي من الازبهلال.
لكن السواق الفطن سأله طب يعني لما الناس تطلع الكوبري, لما ييجوا ينزلوا بقى, ما هيبقى في مشكلة في المصب برده". رد عليه الراجل بشجاعة"و أنا ايش عرفني, أنا مش مهندس" يعني كفاية قوي انه فكرلنا في الحل اللي عايز ينفذ بقى يبقى مع نفسه.
عامة هو الراجل عندو حق في ان احنا لازم نعمل كباري أكتر من كده...بس أنا صدمت من درجة الجرأة في الفتي..

والله أعلم

11 comments:

Anonymous said...

هههههههه
ما هى دى البلد اللى عملوا فيها مطار الأنفاق
مقولتلهوش ليه
إطلع على الصحرااااااااااااااوى

Mayo said...

La2 Gamda di awy men awel walaya le7ad New York. Mesh bas faty da bardo estentag qawy. Did he even wonder where the other York is? or is it under the bridge?

Gihan said...

xero: LOL! tessada2 geh 3ala baly el e3lan fe3lan sa3etaha..

mayo:ana masad2tesh el ta7leel el daqeeq lel mossamayat..But you know what? I am wondering how did new york ACTUALLY get its name..welcome to the block ya mayo :D

Anonymous said...

akheran el post nezl <:o)
it is perfect as usual w 3agbtny awy "استطرد الرجل قائلا" (Y) bas ana kont mestany more sarcastic (revise el feteer el feteer el feteer part I):D
yalla shedy 7elk b2a waiting for the post # 100 3la a7ar men el gamr

Anonymous said...

if you wanna know how New York got it's name .you just have to search for the Old York :)
http://en.wikipedia.org/wiki/York
the colonists name the new city over the old one

Deeeeeee said...

عارفة، أنا السنة إللي فاتت أيام امتحانات آخر السنة رحت أمريكا.. وساعتها كان ماسكها "محافظ" اسمه على يورك الابن، وهما سموها كده على اسمه طبعا زي ما عندنا مدن جديدة ومدينة السادات كده وعلى فكرة أنا شفت الشوارع إللي فوقيها كباري دي برضك يس مافهمتش عملوها إزاي عشان أنا مش مهندسة *insert kol elsmilies elli betestazraf feldonia*

Gihan said...

zekry: ana shayfa enn el mawdoo3 sarcastic-mennoh-feeh bema feed el kefaya :D

xero: LOOOL!! Wikipedia sha7'syan :D Thanks man...Interesting!

deeee: LOL! enty kan lessa ma3aky feloos men sa3et safareyet almanya? :P

Anonymous said...

عمار يامصر

sara said...

You've been tagged ya bint ;)
http://soulheartmindbody.blogspot.com/2008/02/things-to-be-done-before-18.html

Lasto-adri *Blue* said...

u r tagged :D

Bongo said...

هههههههههههههههه

لأ مفكر فعلا

اول زيارة لمدونتك و ان شاء الله مش الأخيرة

تحياتي